25 აპრილს სიქას ორგანიზებით რუსთავის სასკოლო სამოქალაქო კლუბების წევრებმა და თემის წარმომადგენლებმა დედამიწის საერთაშორის დღე აღნიშნეს და გარემოს დასუფთავების მასშტაბური აქცია მოაწყვეს.
2 აპრილს, რუსთავის დემოკრატიული ჩართულობის ცენტრში, სიქა-საგანმანათლებლო ინიციატივების ქართული ასოციაციის ორგანიზებით, შედგა ძალიან საინტერესო შეხვედრა საქართველოს ფოტოგრაფთა ასოციაციის წარმომადგენლებთან. შეხვედრას როგორც სხვადასხვა სკოლის კლუბის წევრები ისე ჩვენი კლუბის ორი წევრიც ესწრებოდა. შეხვედრის თემა გახლდათ როგორ დაერქვა ფოტოგრაფიას ხელოვნება და როგორ უნდა გადავიღოთ კარგი ფოტო. ბავშვები გავეცანით ინფორმაციას ფოტოგრაფიის დაბადების ისტორიაზე, მის ზინაპირობებზე და განვითარების პროცესებზე.ასევე მივიღეთ პრაქტიკული რჩევებიც,რისი გათვალისწინებითაც შემდგომში გადავიღებთ კარგ ფოტოებს.გაიმართა აქტიური დისკუსია აუდიტორიასთან. შეხვედრა გაიმართა „სამოქალაქო განათლებისა და პედაგოგთა გადამზადების პროგრამის" ფარგლებში, რომელსაც ახორციელებს PH international, აფინანსებს USAID და მხარს უჭერს საქართველოს განათლებისა და მეცნიერების სამინისრტო.
3 აპრილს, სიქა-ს ორგანიზებით „სამოქალაქო განათლებისა და პედაგოგთა გადამზადების პროგრამის“ ფარგლებში მოეწყო ძალიან საინტერესო ინფორმაციული ვიზიტი ინტელექტუალური საკუთრების ეროვნულ ცენტრში,“ საქპატენტში“. სადაც ხდება ყველანაირი ინტელექტუალური საკუთრების დაცვა, რეგისტრაცია მთელი ქვეყნის მასშტაბით. მაგ: გამოგონებების, საავტორო უფლებების, ბრენდების სახელების და ა.შ. ცენტრის თანამშრომელი გვესაუბრა ქართული გამოგონებების ბრენდების სახელების რეგისტრაციის და საავტორო უფლებების შესახებ. დავათვალიერეთ ცენტრში არსებული ბიბლიოთეკა, მარანი და სტუმრების მისაღები სივრცე.ცენტრის თავმჯდომარემ ბატონმა ირაკლი ღვალაძემ ბავშვებს გაგვაცნო საქპატენტის მუშაობის სპეციფიკა და მიმართულებები. ვიზიტის ბოლოს ცენტრის თანამშრომლები მონაწილეებს გაგვიმასპინძლდნენ ლანჩით. ვიზიტორები იყვნენ რუსთავის #9, #15 #20, #21, #23 და #26 სკოლების სამოქალაქო კლუბების წევრები. მათ შრის იყვნენ ჩვენი კლუბის ორი წევრიც.
შეხვედრის პირველ ნაწილი ტუბერკულიოზის აღმოჩენისა და გავრცელების ისტორიის განხილვას დაეთმო.მოსწავლეებმა მიიღეს ინფორმაცია, თუ რა შემთხვევაშია დაავადება საშიში, რას უნდა ერიდონ საზოგადოებრივ თავშეყრის ადგილებში. რა არის დაავადების პირველი ნიშნები და როგორ უნდა ვებრძოლოთ მას.
სიქა-ს ორგანიზებით რუსთავის სამოქალაქო კლუბის წევრებმა რუსთავის ქუჩებში აქტივობა გამართეს, რომლის ფარგლებშიც მოსწავლეებმა მძღოლებსა და ფეხითმოსიარულეებს საგზაო წესების დაცვისკენ მოუწოდეს. დაგეგმილ აქტივობაში აქტიურ მონაწილეობას კლუბ "მოდერნის" წევრებიც იღებდნე.სამოქალაქო კლუბის წევრებმა პოსტერებითა და პლაკატებით სიმბოლურად გადაკვეთეს „ზებრა“ გადასასვლელი და მძღოლებს მოუწოდეს, რომ შეანელონ სვლა და გადასასვლელზე გზა დაუთმონ ფეხით მოსიარულეებს.
21 თებერვალს რუსთავის დემოკრატიული ჩართულობის ცენტრში სიქა-ს ორგანიზებით შედგა სამოქალაქო კლუბების წევრების შეხვედრა იურისტ თამარ გურჩიანთან, სამოქალაქო კლუბის წევრებში დიდი დაინტერესება გამოიწვია მისმა საქმიანობამ, იყო კითხვები ქართულ-რუსული კონფლიქტის შესახებ.შეხვედრას დაესწრო რუსთავის #1, #2, #9, #11, #12, #17 და #23 საჯარო სკოლების სამოქალაქო კლუბების 20 წევრი. მათ შორის კლუბ "მოდერნის" წევრებიც იმყოფებოდნენ
7 თებერვალს სიქა-ს ორგანიზებით ქ. რუსთავის სასკოლო სამოქალაქო კლუბების წევრები და მათ შორის ჩვენი კლუბის ორი წვრი რომლებიც იმყოფებოდნენ "სამოქალაქო ინტეგრაციის ახალგზრდულ ბანაკში" ,შეხვდნენ ქალაქის მერს დავით ჯიქიას მოსწავლეებმა ქალაქის მერს გააცვნეს სამოქალაქო ინტეგრაციის ახალგაზრდულ ბანაკში შექმნილი პროექტი, რომელიც რუსთავის ლეონიძისა და მესხიშვილის ქუჩების გადაკვეთაზე საგზაო მოძრაობის მოწესრიგებას ითვალისწინებს. პროექტის ფარგლებში აღნიშნულ მონაკვეთზე დაიდგმება საგზაო ნიშნები, მოეწყობა "წრიული" და დაიხაზება ორი "ზებრა" გადასასვლელი. პროექტისათვის გრანტი გაიცა USAID-ის მიერ დაფინანსებული "სამოქალაქო განათლებისა და პედაგოგთა გადამზადების პროგრამის " ფარგლებში, რომელსაც საქართველოში ახორციელებს PH International, სიქა წარმოადგენს პროგრამის პარტნიორ ორგანიზაციას ქვემო ქართლის რეგიონში. მოსწავლეთა მიერ ინიცირებული და ქალაქის თვითმმართველობის მიერ მხარდაჭერილი პროექტი დაარეგულირებს ქ. რუსთავის ამ რთულ მონაკვეთში ფეხითმოსიარულეთა და სატრანსპორტო საშუალებების მოძრაობას.
29 იანვარს სიქა-ს ორგანიზებით მარნეულის #6 საჯარო სკოლაში ჩატარდა ქვემო ქართლში "სამოქალაქო განათლებისა და პედაგოგთა გადამზადების პროგრამის" 2013 წლის ივლისი-დეკემბრის თვეებში შესრულებლი აქტივობების შემაჯამებელი ღონისძიება.ქვემო ქართლის სასკოლო სამოქალაქო კლუბების წევრებმა წარმოადგინეს პრეზენტაციები საანგარიშო პერიოდში შესრულებული სამუშაოს შესახებ მათ შორის კი ჩვენი კლუბის წევრებიც ომყოფებოდნენ.მარნეულის ადგილობრივი თვითმმართველობის წარმომადგენელმა და PH International-ის გრანტების მენეჯერმა ინგა ქიბროწაშვილმა დადებითად შეაფასეს საანგარიშო პერიოდის განმავლობაში პროგრამის ფარგლებში ქვემო ქართლის რეგიონში შესრულებული სამუშაოები.
სამოქალაქო განათლების ინტეგრაციის ახალგაზრდული ბანაკის დასრულების შემდეგ რუსთავის სკოლების სამოქალაქო კლუბის წევრებმა ბანაკში შემუშავებულ პროექტზე მუშაობა დაიწყეს.პროექტი ეხაბა რუსთავის, მე-12 მკრ-ნის მიმდებარე ტერიტორიაზე წრიულისა და ფეხით მოსიარულეთა გადასასვლელის გაკეთებას. გუნდმა თავდაპირველად მიიღო თანხმობა ქალაქის თვითმმართველობისგან და ამის შემდგომ მერიამ დააკავშირა გუნდის წევრები კომპანიასთან რომელიც უშუალოდ შეასრულებდა ამ სამუშაოს.დაგეგმეს შეხვედრის დრო, როდესაც კომპანიის წარმომადგენლები და მოსწავლეები ერთად შესწავლიან ტერიტორიას და შეადგენენ ნახაზს.მოლაპარაკების შემდეგ ჯგუფის წევრები 21 იანვარს სიქას ოფისში შეიკრიბნენ, იმსჯელეს შესასრულებელ სამუშაოებზე და გადაინაწილეს მოვალეობები.
15-19 იანვარს სიქას მიერ ორგანიზებულ "სამოქალაქო ინტეგრაციის ახალგაზრდული ბანაკში" მონაწილეობა მიიღეს ჩენი სკოლის სამოქალაქო კლუბ "მოდერნის" წევრებმა თამარ კანკავამ და ელენე ბიგანაშვილმა. ბანაკი ხორციელდებოდა "სამოქალაქო განათლებისა და პედაგოგთა გადამზადების პროგრამის" ფარგლბში ფარგლებში, რომელსაც აფინანსებს USAID, ახორციელებს PH International, ბანაკი მიმდინარეობდა 5 დღის განმავლობაში და მონაწილეობას იღებდნენ ქვემო ქართლის რეგიონის შვიდივე მუნიციპალიტეტის 24 სკოლა, მათ შორის 12 ქართული და 12 აზერბაიჯანული სკოლები. თითოეული სკოლიდან 3-3 წარმომადგენელს.მათ ბანაკის განმავლობაში ჩაუტარდათ ტრენინგები ინტერკულტურული სწავლების, სამოქალაქო აქტივობების დაგეგმვისა და განხორციელების შესახებ.
