საგრანტო პროექტის შემაჯამებელი ღონისძიება

18 ივნისს  რუსთავის ილია ჭავჭავაძის სახელობის #1 საჯარო სკოლაში   „სამოქალაქო განათლებისა და პედაგოგთა გადამზადების პროგრამის“ ფარგლებში გაიმართა სამოქალაქო განათლების კლუბის „მოდერნი“  საგრანტო პროექტის  „წინ აქტიური მოქალაქეობისაკენ“ შემაჯამებელი  ღონისძიება.

შეხვედრას დაესწრნენ: სიქა-საგანმანათლებლო ინიციატივების ქართული ასოაციის წარმომადგენლები, ქ. რუსთავის სამოქალქო განათლების კლუბების წევრები, ქ. რუსთავის ადგილობრივი თვითმმართველობის წარმომადგნელები, „რუსთავის ახალგაზრდული ცენტრის“ ხელმძღვანელი.

სამოქალაქო კლუბ „მოდერნის“ წევრებმა და საგრანტო პროექტის ავტორმა მარიამ ყოლბაიამ გააკეთა კლუბის მუშაობის პრეზენტაცია და მიმოიხილა პროექტის მიმდინარეობის ეტაპები.

საგრანტო პროექტის ფარგლებში

კლუბის წევრებმა  გამოკითხეს თემის  წევრები თემში არსებული პრობლემების რანჟირებისათვის, ასევე დააფიქსირეს მოსახლეობის აზრი „აქტიური მოქალაქეობის შესახებ“, ჩაატარეს სანქცირებული აქცია ქალაქის ცენტრში, სადაც მათ შემოუერთად ქალაქის სხვა სკოლების სამოქალაქო კლუბების წევრები.  დაიბეჭდა და თემში დარიგდა ფლაერები აქტიური მოქალაქეობის, მოქალაქის უფლებებისა და მოვალეობების შესახებ.

შეხვედრა ადგილობრივი თვითმმართველობის წარმომადგენელთან სოფო ხუციშვილთან

07.06.2013 წელი. პროექტ "წინ აქტიური მოქალაქეობისკენ" ფარგლებში კლუბის წევრებმა  განახორციელეს შეხვედრა ქ.რუსთავის მერიის ახალგაზრდული ცენტრის ხელმძღვანელთან  სოფო ხუციშვილთან. შეხვედრაზე მოხდა წინასწარ ჩატარებული გამოკითხვის შედეგების პრეზენტაცია. გამოკითხვა ჩატარდა თემის პრობლემების კვლევაზე და იმაზე თუ რას ნიშნავს აქტიური მოქალაქეობა. პრეზენტაციას მოჰყვა დისკუსია კლუბის წევრებსა და მოწვეულ სტუმარს შორის.

აქცია-მსვლელობა "წინ აქტიური მოქალაქეობისკენ"

04.06.2013 წელს სამოქალაქო კლუბის პროექტ "წინ აქტიური მოქალაქეობისკენ" ფარგლებში ჩატარდა სანქცირებული აქცია სახელწოდებით ვიყოთ აქტიური მოქალაქეები.აქციას შემოუერთდა ქ.რუსთავის მე-20,მე-10, მე-7, მე-6, მე-17, სკოლების სამოქალაქო განათლების კლუბის წევრები და მეურვეები.აქციაზე გავრცელდა ფლაერები,რომელიც ასევე პროექტის ფარგლებში იქნა დაბეჭდილი.აქციას თან ახლდა მსვლელობა იუსტიციის სახლის მიმდებარე ტერიტორიიდან რუსთავის მერიის მიმდებარე ტერიტორიამდე. მსვლელობის დროს კლუბის წევრები ავრცელებდნენ ფლაერებს და მოუწოდებდნენ მოსახლეობას ყოფილიყვნენ აქტიურები.