"მეგობრობის დღე"

31 ივლისს სიქამ  აღნიშნა მეგობრობის დღე. სიქას თურქმა მოხალისეებმა გააცნეს ახალგაზრდებს თუ როგორ  აღნიშნავენ ადამიანები სხვადასხვა ქვეყნებში მეგობრობის დღეს. სიქას უცხოელმა და ქართველმა მოხალისეებმა მონაწილეებს სახალისო თამაშები ათამაშეს, ყველაზე საინტერესო აქტივობა მაინც ის იყო, რომ სიქას მოხალისეებმა და მონაწილეებმა მოხატეს კედელი საღებავებით და დატოვეს ზედ პოზიტიური წარწერები. ამ აქტივობაში მონაწილეობა მიიღო ჩვენი სკოლის მეათე კლასის მოსწავლემ.

             " სოციალური მედიის საზაფხულო სკოლა "  

18 ივლისს სიქა-ს "სოციალური მედიის საზაფხულო სკოლამ" მუშაობა დაიწყო. "სოციალური მედიის საზაფხულო სკოლის" პირველი გაკვეთილი მოიცავდა თემას თუ ზოგადად რას ნიშნავს  სოც. მედია. მეორე გაკვეთილი ჩატარდა 22 ივლისს მონაწილეებმა მიიღეს თეორიული და პრაქტიკული ცოდნა Facebook -ის, Google+  და Gmail-ის შესახებ. მეცადინეობებში აქტიურად იღებდნენ მონაწილეობას სიქა-ს  მოხალისეები თურქეთიდან. საზაფხულო სკოლის გაკვეთილები ჩატარდება კვირაში ორჯერ სამშაბათს და პარასკევს. " სოციალური მედიის საზაფხულო სკოლის" ერთ-ერთი მონაწილე არის ჩვენი სკოლის მეათე კლასის მოსწავლე რომელიც, აქტიურად ჩართული არის ამ კლუბში.

                                     "წუწაობა Party"

"წუწაობა Party " ეს არის ღონისძიება, რომელსაც სიქა-ს ახალგაზრდული გუნდი უკეთებს ორგანიზებას. 15 ივლისს გაიმართა აღნიშნული აქტივობა რუსთავის კულტურისა და დასვენების პარკში. "წუწაობა Party" დატვირთული იყო სხვადასხვა წამახალისებელი თამაშებით, სიმბოლური პრიზებით და გამაგრილებელი წუწაობით.ამ აქტივობაში მონაწილეობა მიიღო რუსთავის 70-მდე ახალგაზრდამ, ასევე ამ აქტივობაში ჩართულნი იყვნენ ჩვენი სკოლის მოსწავლეებიც.

                           "მარათონი სიცოცხლის გადასარჩენად"                                                               29 ივნისს,  თბილისში, კუს ტბაზე, სიქა შეუერთდა "მარათონს სიცოცხლის გადასარჩენად".     საქართველოს მარათონი სიცოცხლის გადასარჩენად არის ერთერთი ყველაზე დიდი და მნიშვნელოვანი აქცია ქვეყანაში, რომელიც ძუძუს კიბოსთან დაკავშირებულ ცნობიერების ზრდას ითვალისწინებს. მონაწილეები გაეცნენ სპონსორთა საექსპოზიციო მაგიდებს, მიიღეს ინფორმაცია სარძევე ჯირკვლის ჯანმრთლობაზე საგანმანათლებლო მაგიდებთან. ასევე მოეწყო რბენა ორ და ხუთ კილომენტრიან დისტანციებზე. ამ აქტივობაში მონაწილეობა მიიღო ჩვენი სკოლის მოსწავლემაც.

                   ტრენინგი მოხალისეობის თემაზე

 

                                                                                                                                                                              20 ივნისს სიქა–ს ოფისში ჩატარდა ტრენინგი მოხალისეობის თემასთან დაკავშირებით. ტრენინგი ჩაატარა არასამთავრობო ორგანიზაცია " ბორჯღალმა " პროექტ "მოხალისეობის ქსელის" ფარგლებში. ტრენინგი ჩატარდა დისკუსიის სახით. მოსწავლეებმა გაიგეს თუ რა არის მოხალისეობა, რა არის მოხალისეობის ძირითადი მახასიათებლები და რატომ უნდა გახდე მოხალისე.  ჩვენი სკოლის სამოქალაქო კლუბის წევრიც ესწრებოდა ამ ტრენინგს.

          აქცია უკრაინელი ხალხის არჩევანის სოლიდარობის ნიშნად

სიქა ერთ-ერთი ორგანიზატორი გახლდათ 25 იანვარს რუსთავში გამართული აქციისა, რომელიც უკრაინელი ხალხის არჩევანის სოლიდარობის ნიშნად გაიმართა. აქცია მოეწყო ქ. რუსთავის ცენტრში. ამ აქციაში მონაწილეობა მიიღო ჩვენი სკოლის სამოქალაქო კლუბის წევრმაც. 

  საქართველოს პარლამენტის ეროვნული ბიბლიოთეკა

   
24 აპრილს, სიქა-ს ორგანიზებით, სამოქალაქო კლუბების წევრები ესტუმრნენ საქართველოს პარლამენტის ეროვნულ ბიბლიოთეკას. მონაწილეებმა გაიგეს ბიბლიოთეკის შექმნის, განვითარებისა და ძველი თბილისის ისტორიები.
გიდმა, ქალბატონმა ნინო გედენიძემ მონაწილეებს დაათვალიერებინა საგამოფენო დარბაზი, რომელიც დახვეწილი გემოვნებითა და არქიტექტურის რამოდენიმე მიმდინარეობის ნაზავითაა შექმნილი, ასევე დაათვალიერეს გერმანული, ფრანგული და ქართული ლიტერატურის სამკითხველო დარბაზები, სადაც თავმოყრილია ძალიან საინტერესო წიგნები. მიიღეს კონკრეტული რჩევები წიგნის გამოტანის შესახებ და ასევე ბიბლიოთეკის ვებგვერდზე ელექტრონულად მოძიების შესახებ.
მონაწილეებს მიეცათ უნიკალური შანსი ენახათ უძველესი ხელნაწერი და ბეჭდვითი წიგნები, რომლებიც თითო-თითო ეგზემპლიარი არის შემონახული.  საქართველოს პარლამენტის ეროვნულ ბიბლიოთეკაში ასევე ჩვენი სკოლის სამოქალაქო კლუბის წევრებიც იყვნენ.